چینی سکینڈل میں جہانگیرترین کے خلاف تحقیقات مکمل
چینی سکینڈل میں نامزد تحریک انصاف کے رہنما جہانگیرترین کے خلاف تحقیقات مکمل کرلیں۔ تحریک انصاف کے رہنما اور چینی سکینڈل میں نامزد ملزم جہانگیر خان ترین کے خلاف وزیراعظم عمران خان کے نامزد کردہ سینیٹر علی ظفر ایڈوکیٹ نے فریقین سے تحقیقات مکمل کرلیں۔ذرائع کے مطابق علی ظفر ایڈووکیٹ کی جانب سے وزیراعظم کو رپورٹ پیش کرنے کے لئے سفارشات تحریر کرنے کا کام جاری ہے اور علی ظفر آئندہ چند روز میں اپنی رپورٹ کی سفارشات مکمل کرلیں گے جبکہ وزیراعظم کو اسی ہفتے کے آخر یا اگلے ہفتے کے شروع میں رپورٹ پیش کردیں گے۔ علی ظفر ایڈووکیٹ نے ترین گروپ کے وکلا اور دیگر شخصیات سے ملاقات کرکے موقف معلوم کیا، ایف آئی اے اور دیگر حکومتی اداروں کے آفیسرز کے بھی انٹرویو کرکے حقائق معلوم کئے۔
