آصف زرداری اور بلاول بھٹو زرداری کی بلوچستان میں سکیورٹی کے چیک پوسٹ پر حملےاور جوانوں کی شہادت پر اظہار افسوس
سابق صدر آصف علی زرداری اور پی پی پی چیئرمین و وزیر خارجہ بلاول بھٹو زرداری نے بلوچستان میں سکیورٹی کے چیک پوسٹ پر حملے کی مذمت کرتے ہوئے جوانوں کی شہادت پر اظہار افسوس کیا ہے پیپلزپارٹی کی قیادت نے واضح کیا ہے کہ ریاستی عملداری کو چیلینج کرنے والوں کو منہ توڑ جواب دیں گے، شہدا کے لہو کے ہر قطرے کا حساب لیں گے ۔ اپنے ایک بیان میں آصف علی زرداری نے شہید جوانوں کے خاندانوں سے ہمدردی اور تعزیت کا اظہار کیا۔ سابق صدر نے کہا ہے کہ دھرتی اور امن کی خاطر جانیں قربان کرنے والے جوانوں پر قوم کو فخر ہے۔ بلاول بھٹو زرداری نے بھی زرغون میں سیکیورٹی فورسز کی چوکی پر حملے کی مذمت کرتے ہوئے دہشتگردانہ حملے میں سکیورٹی فورسز کے تین جوانوں کی شہادت پر اظہارِ افسوس کیا ہے ۔شہدا کے لواحقین سے دلی تعزیت و یکجہتی کا اظہار کیا گیا ہے ۔ وزیرخارجہ نے کہا ہے کہ ارضِ وطن کی خاطرسکیورٹی فورسز کی قربانیاں بے مثال ہیں۔ ریاستی عملداری کو چیلینج کرنے والوں کو منہ توڑ جواب دیں گے، شہدا کے لہو کے ہر قطرے کا حساب لیں گے۔
