نگران وزیراعظم نے کہا کہ پیشہ ور فوج نہتے شہریوں اور بچوں کو کبھی نشانہ نہیں بناتی، ہم غزہ میں فلسطینی بچوں کا ہولو کاسٹ دیکھ رہے ہیں۔ نگران وزیراعظم انوارالحق کاکڑ نے اسلام آباد میں ’’زارا الرٹ ایپ‘‘ کے اجراء کے موقع پر منعقدہ تقریب سے خطاب کرتے ہوئے کہا کہ حکومت بچوں کے حقوق کے تحفظ کے لئے پرعزم ہے، تمام طبقات کی بھی یہ ذمہ داری ہے کہ وہ بچوں کی بہتری کے لئے کام کریں، حکومت بھی بچوں کی فلاح و بہبود کے لئے ہر ممکن قدم اٹھا رہی ہے۔