دوسری جنگ عظیم کے حقیقی واقعات پر مبنی فلم ''فیوری'' نے باکس آفس پر کامیابی کے جھنڈے گاڑ دئیے،، فلم نے تین دن میں دو کروڑ پینتیس لاکھ ڈالر کا کامیاب بزنس کیا۔ گون گرل دوسرے اور دی بک آف لائف تیسرے نمبر پر رہی۔
لاکھوں دلوں کی دھڑکن بریڈ پٹ کی ایکشن سے بھرپور فلم ’’فیوری‘‘ سترہ اکتوبر کو ریلیز کی گئی۔ فلم نے تین دن میں دو کروڑ پینتیس لاکھ ڈالر کا کامیاب بزنس کر کے باکس آفس پر کامیابی کے جھنڈے گاڑ دیے ہیں۔ فلم کی کہانی دوسری جنگ عظیم کے حقیقی واقعات پر مبنی ہے۔ باکس آفس پر دوسرے نمبر پر ایک کروڑ اٹھتہر لاکھ ڈالر کیساتھ فلم ''گون گرل'' رہی۔ دوہزار بارہ کے ناول سے ماخوذ اس فلم میں بیوی کی گمشدگی شوہر کیلئے کئی مشکلات لے آتی ہے۔ تیسرے نمبر پر اینی میٹڈ فلم ''دی بک آف لائف '' رہی۔ فلم نے تین تین دن میں ایک کروڑ ستر لاکھ ڈالر کمائے۔ فلم کی کہانی منولو نامی ایک ایسے نوجوان کے گرد گھومتی ہے جو اپنے دل کی بات ماننے اور اپنے خاندان کی توقعات پر پورا اترنے کے درمیان پھنس کر رہ جاتا ہے۔
