وزیر اعلی پنجاب ایک بار پھر ان ایکشن, لاہور شہر کے مختلف علاقوں کا بغیر پروٹوکول دورہ
وزیر اعلی پنجاب سردار عثمان بزدارایک بار پھر ان ایکشن, رات گئےلاہور شہر کے مختلف علاقوں کا بغیر پروٹوکول دورہ کیا۔ وزیراعلی عثمان بزدار سٹاف افسر، سکیورٹی آفیسر اور آفیشل فوٹوگرافر و کیمرہ مین کوبھی ساتھ لے کر نہ گئے۔ وزیراعلی عثمان بزدار نے خود گاڑی ڈرائیو کی اور اکیلے ہی بعض علاقوں میں صفائی کی صورتحال کا جائزہ لیا ۔ وزیراعلیٰ عثمان بزدار نے فیروز پور روڈ،ٹاؤن شپ،جوہر ٹاؤن،گارڈن ٹاؤن،فیصل ٹاؤن،کالج روڈ،اکبر چوک اوردیگر علاقوں میں صفائی کے انتظامات مشاہدہ کیا۔وزیر اعلی عثمان بزدار بعض علاقوں میں صفائی کی صورتحال بہتر نہ ہونے پربرہم ہوئے۔وزیراعلیٰ عثمان بزدارکا لاہور ویسٹ مینجمنٹ کمپنی کو صفائی کے انتظامات بہتر بنانے کا حکم دیا۔ صفائی کی صورتحال کے بارے کچھ عرصے سے شکایات مل رہی تھیں۔عثمان بزدار نے صفائی انتظامات کا خود جائزہ لیا اور ایل ڈبلیو ایم سی کو صفائی کے انتظامات بہتر بنانے کی ہدایت کی ہے۔عثمان بزدار نے کہا کہ صفائی پر کوئی سمجھوتہ نہیں ہوگا، صفائی کے پلان کی ڈیلی مانیٹرنگ کی جائے- متعلقہ حکام لاہور شہر کو صاف کرنے کے لئے کوئی کسر اٹھا نہ رکھیں ۔ شہریوں کو صاف ستھرا ماحول دینا ہماری ذمہ داری ہے۔
