کراچی، بیروزگاری سے تنگ آکر نوجوان نے خودکشی کرلی

 شہر قائد میں معاشی بدحالی اور بے روزگاری سے تنگ آکر نوجوان نے خودکشی کرلی۔ تفصیلات کے مطابق کراچی کے علاقے کورنگی پانچ نمبر اولڈ پولیس لائن میں گھر سے پھندا لگی لاش ملی۔ پولیس نے موقع پر پہنچ کر قانونی کارروائی کی اور لاش کو جناح  ہسپتا ل منتقل کیا۔متوفی کی شناخت نعمان کے نام سے ہوئی جس کی عمر 24 سال تھی۔ اس نے گلے میں پھندا لگا کر خودکشی کی ہے۔ پولیس نے کہا کہ نعمان نے بیروزگاری اور معاشی بدحالی کے باعث خودکشی کی۔