مناسک حج؛ شیطان کو کنکریاں مارنے اور قربانی کا سلسلہ جاری -

Aug 21, 2018 | 15:15

مکہ المکرمہ: حجاز مقدس میں مناسک حج کی ادائیگی کا سلسلہ جاری ہے اور حجاج کرام آج بڑے شیطان کو کنکریاں مارنے کے بعد قربانی کا فریضہ ادا کررہے ہیں۔

ضرور پڑھیں: Labb Azaad 22 September 2018

منٰی میں دنیا بھر سے آئے ہوئے 20 لاکھ سے زیادہ فرزندانِ توحید مناسک حج ادا کررہے ہیں، حجاج کرام نے گزشتہ روز حج کے رکن اعظم وقوفِ عرفہ کی تکمیل کے بعد رات مزدلفہ میں کھلے آسمان تلے گزاری، جہاں استغفار، ذکر و اذکار، قیام و سجود اور درود و سلام پڑھا گیا۔ نماز فجر کی ادائیگی کے بعد حجاج کرام مِنیٰ پہنچے ہیں جہاں وہ بڑے شیطان (جمرات) کو کنکریاں مارنے کی سنت ادا کررہے ہیں۔

بڑے شیطان کو کنکریاں مارنے کے بعد مرد حجاج اپنا سر منڈوا کر احرام کھول رہے ہیں۔ اس کے بعد حجاج مسجد حرام پہنچ کر کعبۃ اللہ کا آخری طواف ”طواف زیارۃ” کریں گے۔ تاہم رمی 11 اور 12 ذی الحج کو بھی جاری رہے گی۔

مزیدخبریں