سینیٹر کلثوم پروین کے انتقال پر گہرا دکھ اور افسوس ہے، شبلی فراز
وفاقی وزیر برائے اطلاعات و نشریات سینیٹر سید شبلی فراز نے پاکستان مسلم لیگ (ن) کی سینیٹر کلثوم پروین کے انتقال پر گہرے دکھ اور افسوس کا اظہار کیا ہے۔پیر کے روز ٹوئٹر پر جاری اپنے بیان میں شبلی فراز کا کہنا تھا کہ محترمہ کلثوم پروین ایوان بالا کی انتہائی مثبت سوچ کی حامل ایک متحرک رکن تھیں،وہ بلوچستان کے پسماندہ علاقوں اورعوام کے مسائل کے حل کیلئے توانا آواز بنیں۔اللہ تعالی مرحومہ کو اپنے جوار رحمت میں جگہ عطافرمائے اورلواحقین کوصبر دے۔ واضح رہے کہ سینیٹر کلثوم پروین کوروناوائرس کے باعث گذشتہ کئی روز سے اسلام آباد کے ایک نجی ہسپتال میں زیر علاج تھیں اور پیر کے روز وہ انتقال کر گئیں۔
