سوشل میڈیا کے نئے رولز کیخلاف ایک اور درخواست:پی ٹی اے کو نوٹس جاری
اسلام آباد ہائی کورٹ نے سوشل میڈیا کے نئے رولز کے خلاف ایک اور درخواست پر بھی پی ٹی اے کو نوٹس جاری کر دیا۔ چیف جسٹس اطہر من اللہ نے خاتون صحافی کی درخواست پر سماعت کی۔ درخواست گزار کی جانب سے 13 رولز اور پاکستان الیکٹرانک کرائم ایکٹ کی سیکشن 37 ون کو چیلنج کیا گیا۔ درخواست میں پی ٹی اے کو غیر قانونی طور پر مختلف ایپلیکشن پر پابندی لگانے سے روکنے کی استدعا کی گئی۔ عدالت نے درخواست کو پہلے سے زیرِ سماعت درخواستوں کے ساتھ مقرر کرنے کی ہدایت کرتے ہوئے پی ٹی اے کو نوٹس جاری کر دیا۔ سوشل میڈیا قوائد کے خلاف مرکزی درخواستیں 25 جنوری کو سماعت کے لیے مقرر ہیں۔
