عالمی منڈی میں خام تیل کی قیمت13سال کی کم ترین سطح فی بیرل قیمت27ڈالرپرپہنچ گئی
امریکی اخبار کے مطابق نیویارک کی مرکنٹائل ایکسچینج میں یوایس خام تیل کے فی بیرل قیمت میں دو ڈالر سولہ سینٹ کی کمی ہوئی۔ جبکہ فروری کیلئے فی بیرل سودے چھبیس ڈالر تیس سینٹ پر بند ہوئے۔ برینٹ خام تیل کی فی بیرل قیمت میں ایک ڈالر باسٹھ سینٹ کی کمی دیکھی گئی۔ جبکہ مستقبل کے فی بیرل سودے ستائیس ڈالر چودہ سینٹ پر بند ہوئے۔ تاجروں کے مطابق چین کی معیشت میں عدم استحکام تیل کی قیمتوں میں کمی کی بڑی وجہ ہے۔ خام تیل کی گرتی ہوئی قیمتوں کے باعث یورپ کی مرکزی سٹاک مارکیٹس میں کمی آئی ہے، لندن سٹاک ایکسچینج تین اعشاریہ چھیالیس فیصد کمی پر بند ہوئی،دوسری جانب امریکہ کی وال سٹریٹ میں 3 فیصد کمی ہوئی، جبکہ دنیا کی زیادہ تر سٹاک ایکسچینج میں کم از کم بیس فیصد کمی واقع ہوئی ہے امریکی اسٹاک مارکیٹ کھلتے ہی مندی کا شکار ہو گئی۔ ڈوجونز میں ساڑھے پانچ سو پوائنٹس کی کمی دیکھی گئی۔ جبکہ ایس این پی میں ڈھائی فیصٓد کی کمی ہوئی۔ امریکی میڈیا کے مطابق تین ہزار ایک سو اٹھاسی اسٹاکس میں چھیانوے فیصد کی کمی ہوئی۔