پاکستان نے کامیابی سے کرونا کا مقابلہ کیا ہے،مستقبل قریب میں کرونا ویکسین کی طلب1.1ملین ویکسین ہوں گی، :وزیرخارجہ شاہ محمود قریشی
وزیرخارجہ شاہ محمود قریشی کا کہنا ہے کہ چین 31 جنوری تک پاکستان کوکرونا ویکسین کی 5 لاکھ ڈوز مفت فراہم کرے گا۔ چین کی جانب سے یہ اقدام جذبہ خیر سگالی کے تحت طور پر کیا گیا ہے۔اسلام آباد میں پریس کانفرنس کرتے ہوئے وزیرخارجہ شاہ محمود قریشی کا کہنا تھا کہ پاکستان نے کامیابی سے کرونا کا مقابلہ کیا ہے، قومی ادارے نیشنل کمانڈ اینڈ آپریشن سینٹر (این سی او سی) نے وبا کے دوران بہترین کام کیا، کرونا ویکسین کےحصول کیلئے چین سے مفید بات چیت ہوئی۔وزیرخارجہ نے بتایا کہ چین نے وعدہ کیا ہے کہ 31 جنوری تک انسداد کرونا ویکسین دستیاب ہوگی، پہلے مرحلے میں پاکستان کو کرونا ویکسین کی 5 لاکھ ڈوز دی جائیں گی جبکہ فروری تک کرونا ویکسین کی مزید خوراکیں دینے کا بھی کہا ہے، مستقبل قریب میں کرونا ویکسین کی طلب1.1ملین ویکسین ہوں گی، چین ویکسین کی 5لاکھ ڈوزجذبہ خیرسگالی کےطورپردے رہاہے۔
