برف باری کے دوران مری میں سیاحوں کی تعداد بڑھنے لگی
ملکہ کوہسار میں برفباری کا سلسلہ جاری ہے،ملکہ کوہسار مری میں برفباری سے سیاح لطف اندوز ہو رہے ہیں، ڈی پی او مری فراز احمد سیاحوں کو مدد اور ٹریفک کی روانی کو برقرار رکھنے کےلئے فرائض کی ادائیگی میں مصروف عمل ہیں،مری ڈی پی او مری فراز احمد خود فیلڈ میں موجود رہ کرجوانوں کی حوصلہ افزائی کر رہے ہیں۔ ویک اینڈ پر رش کی صورتحال کے پیش نظر ٹریفک افسران،جوان ڈویژن کے ایس ایچ اوز اور اہلکار فیلڈ میں 24/7 مصروف عمل ہیں۔ بہترین حکمت عملی کے باعث مری کی کسی شاہراہ پر رش نہیں بننے دیا جا رہا ہے،تنگ سڑکوں اور دو طرفہ ٹریفک چلنے کے باوجود ٹریفک کی بلاتعطل روانی جاری ہے۔ ٹریفک کی روانی کے لیے ٹریفک عملے کے ساتھ ضلع پولیس مسلسل پیٹرولنگ کر رہے ہیں ، سیاحوں کی سہولت کےلئے ان میں آگاہی و احتیاطی پمفلٹ بھی تقسیم کیے جا رہے ہیں، ڈی پی او مری کا کہنا ہے کہ دور دراز سے آنے والے سیاح رش کی صورتحال کو مد نظر رکھتے ہوئے مری کا سفر کریں۔ مری آنیوالے سیاح کسی قسم کی مدد و رہنمائی کےلئے ہیلپ لائن15اور1757یا آفس نمبر 0519269277اورٹریفک کنٹرول 0519269200پر رابطہ کر سکتے ہیں سیاحوں کے سفر کو محفوظ ،پر سہولت اور خوشگوار بنانے کے لیے ہمہ وقت مصروف عمل ہیں، حکومت پنجاب کی ہدایت اور آئی جی پنجاب محمد عامر ذوالفقار کی ویژن کے مطابق مری میں شہریوں اور سیاحوں کو بہترین سروسز کی فراہمی کے لیے ہر ممکنہ اقدامات کیے جا رہے ہیں
