پاکستان میں دہشتگرد تنظیموں کے واٹس ایپ اکاونٹس بند کرنے کیلئے اقدامات کر رہے ہیں۔طلال چوہدری

وزیرِ مملکت برائے داخلہ طلال چوہدری نے کہا ہے کہ دہشت گرد گروہوں کے لیے پاکستان کی زیرو ٹالرنس پالیسی ہے۔اپنے بیان میں انہوںنے کہا کہ بعض دہشت گرد تنظیمیں واٹس ایپ چینل استعمال کر کے ملک میں واٹس ایپ میسیج بھیج رہی ہیں تاکہ ان کا پرتشدد ایجنڈا فروغ پا سکے ، ان دہشت گرد گروہوں کے لیے پاکستان کی زیرو ٹالرنس پالیسی ہے۔ انہوں نے واٹس ایپ انتظامیہ سے درخواست کی ہے کہ ان واٹس ایپ اکائونٹس کو بند کرنے کے لیے اقدامات کرے۔