اورکزئی میں دہشتگردوں نے چوکی پر حملہ,4 اسکائوٹس اہلکار شہید

 خیبرپختونخوا کے علاقے اورکزئی میں دہشتگردوں نے چوکی پر حملہ کردیا، اورکزئی اسکائوٹس کے 4 اہلکار شہید ہوگئے،جوابی کارروائی میں4دہشتگرد ہلاک ہو گئے ۔پولیس کے مطابق اورکزئی غنڈہ میلہ چوکی کے قریب دہشتگردوں کی گاڑیوں پر فائرنگ سے اورکزئی اسکائوٹس کے 4 اہلکار شہید ہوگئے۔پولیس کے مطابق فورسز کی جوابی فائرنگ سے 4 دہشتگرد بھی مارے گئے۔ شہدا میں سپاہی راحت خان، سپاہی عشرت، سپاہی ثنا اللہ، حوالدار نصیب شامل ہیں۔ فورسزکی جانب سے علاقے میں آپریشن جاری ہے۔