بلاول بھٹو اور وزیراعظم شہباز شریف کی ملاقات میں نتیجہ خیز بات نہیں ہوئی۔ شازیہ مری

پاکستان پیپلز پارٹی کی رہنماشازیہ مری نے کہا ہے کہ بلاول بھٹو اور وزیراعظم شہباز شریف کی ملاقات میں نتیجہ خیز بات نہیں ہوئی۔شازیہ مری نے کہا کہ پیپلزپارٹی مذاکرات پر یقین رکھتی ہے، آئندہ بھی ملاقاتیں ہوں گی۔شازیہ مری نے کہا کہ ہم کسی کو بلیک میل نہیں کر رہے، مہذب انداز میں اپنے تحفظات سے آگاہ کیا، ہمیں وفاقی بجٹ پر تحفظات ہیں۔ شازیہ مری نے اونٹنی کی ٹانگ کاٹنے کے واقعے پر افسوس کا اظہار کرتے ہوئے آگاہ کیا کہ اس کیس کو وہ خود دیکھ رہی ہیں۔ انہوں نے بتایا کہ حکومت نے اونٹنی کاعلاج کرایا، اونٹنی کے مالک کا دوسری پارٹی سے زمین کا تنازع چل رہا ہے، مالک نے واقعے کے بعد پولیس کو رپورٹ نہیں کرائی، اس واقعے کے بعد 6 افراد کو گرفتارکیا۔ انہوں نے کہا کہ اونٹنی کوعلاج کیلئے کراچی منتقل کیا گیا، اونٹنی کے علاج میں کم از کم دو ماہ لگیں گے۔