امریکی رکن کانگریس مائیک لیون کا عمران خان سے رابطہ
امریکی ڈیموکریٹ رکن کانگریس مائیک لیون نے پاکستان تحریک انصاف کے چیئرمین اور سابق وزیر اعظم عمران خان سے ٹیلیفون پر رابطہ کیا ہے۔نجی ٹی وی کے مطابق ڈیموکریٹ رکن کانگریس کی عمران خان سے پاکستان کی سیاسی صورت حال پر طویل گفتگو ہوئی ، دونوں رہنمائوں کے درمیان ٹیلی فون پر پی ٹی آئی کے کارکنوں پر مبینہ پولیس کے تشدد اور صحافیوں کو حراست میں لئے جانے پر بھی گفتگو ہوئی۔ مائیک لیون سے عمران خان نے سکیورٹی سے متعلق درپیش صورت حال پر بھی گفتگو کی۔واضح رہے کہ امریکی رکن کانگریس مائیک لیون نے 2 روز پہلے عمران خان کی حمایت میں بیان بھی دیا تھا۔
