آئل ٹینکر کی خوفناک آگ سے گزرتی ٹرین، لوگ خوف میں مبتلا
میکسیکو میں ایندھن کے ٹینکر کو حادثہ پیش آیا جس کے باعث ہونے والی تباہی کو دیکھ کر موقع پر موجود لوگ خوف میں مبتلا ہوگئے۔غیرملکی میڈیا کے مطابق( Aguascalientes) شہر میں ایندھن کا ٹینکر ریلوے لائن سے گزرنے والے اوور پاس سے ٹکرا گیاجس کے بعد اس میں آگ بھڑک اٹھی۔خوفناک حادثے کے بعد مال بردار ٹرین کو آگ کے شعلوں سے گزرنا پڑتا ہے۔حادثے کے قریب موجود شہری خوفزدہ ہو کر اپنے بچوں اور اہلخانہ کو گاڑیوں سے نکال کر محفوظ مقام پر لے گئے۔غیرملکی میڈیا کے مطابق آگ نے کچھ گھروں کو بھی نقصان پہنچایا اور علاقے میں دھواں پھیل گیا جس کے بعد متعدد لوگوں کو ریکسیو بھی کیا گیا۔شہر کے فائر چیف کا کہنا ہے کہ حادثے کے باعث قریبی رہائشی علاقے میں آگ لگنے کے بعد 800سے 1000افراد کو وہاں سے باہر نکال لیا گیا ہے جبکہ 12 افراد کو گھروں سے ریسکیو کیا گیا۔انہوں نے کہا کہ واقعے میں کوئی شخص زخمی نہیں ہوا البتہ ایک شخص کو دھوئیں کے باعث معمولی تکلیف ہوئی۔ انہوں نے مزید بتایا کہ ٹینکر کے ڈرائیور کو حراست میں لے لیا گیا ہے۔
