عمران خان تاحیات نااہلی سے بچ گئے
اسلام آباد: الیکشن کمیشن نے چیئرمین پی ٹی آئی عمران خان کو آئین کے آرٹیکل 63 ون پی کے تحت نااہل قرار دیاہے۔ 63 ون پی ہے کیا اور اسکے تحت نااہلی کتنی مدت کی ہے۔آئین کے آرٹیکل 63 ون پی میں کہا گیا ہے کہ کسی منتخب رکن مجلس شوریٰ یعنی ممبر پارلیمنٹ یا صوبائی اسمبلی کی نااہلی وقتی طور پر نافذ العمل ہوگی۔اس طرح الیکشن کمیشن فیصلے کے مطابق عمران خان تاحیات نااہلی سے بچ گئے ہیں، کیا عمران خان کی نااہلی 5 سال کے لیے ہے یا موجودہ قومی اسمبلی کی باقی ماندہ مدت کے لیے نا اہل ہوئے ہیں، اسکی تشریح ہونا باقی ہے۔