بولنگ ایکشن  کی پابندی کے شکار قومی کرکٹ ٹیم کے نوجوان فاسٹ بولر محمد حسنین نے خامی پر قابو پاتے ہوئے بولنگ ایکشن کو تبدیل کرلیا۔ میڈیا رپورٹس کے مطابق محمد حسنین نے بولنگ ایکشن کو درست بنانے کیلئے نیشنل پائی پرفارمنس سینٹر  میں عمر رشید کی نگرانی میں تربیت کی اور کامیابی حاصل کی۔ نوجوان فاسٹ بولر نے بولنگ ایکشن میں خامی پر قابو پاتے ہوئے سخت محنت کی اور ایکشن کو درست بنایا، جس کے بعد اب پاکستان کرکٹ بورڈ (پی سی بی) ان کی واپسی کیلئے انٹرنیشنل کرکٹ کونسل سے رابطہ کرے گا۔مقامی لیبارٹری میں کیے گئے ٹیسٹوں کے بعد اب حسنین کا بولنگ ایکشن 15 ڈگری کے اندر ہے، پی سی بی اب باضابطہ طور پر آئی سی سی سے نظرثانی کی درخواست کرے گا۔حسنین کا بولنگ ایکشن جنوری میں آسٹریلیا میں بگ بیش لیگ (بی بی ایل) کے ایک میچ کے دوران مشکوک قرار دیدیا گیا تھا۔ محمد حسنین کا بولنگ ایکشن رپورٹ ہونے کے باعث انہیں پی ایس ایل کے بقیہ میچوں سے باہر کردیا گیا تھا۔

سیالکوٹ : ممکنہ سیلاب کی تیاریوں کے حوالے سے تمام فلڈ سیکٹرز ہائی الرٹ، ڈسٹرکٹ ایمرجنسی آفیسر انجینئر نوید اقبال