صدر ڈاکٹر عارف علوی آج نئے وزراء سے حلف لیں گے۔
صدرمملکت ڈاکٹر عارف علوی نے حکومت اور ایوان صدر میں بداعتمادی ختم کرنے کا فیصلہ کرلیا ہے۔ ذرائع کے مطابق ایوان صدر کا کہنا ہے کہ صدر ڈاکٹر عارف علوی معمول کی آئینی ذمہ داریوں کی ادائیگی پر آمادہ ہیں ، وہ آج نئے وزراء سے حلف لیں گے۔ نئے وفاقی وزراء کی حلف برداری کی تقریب گیارہ بجے ایوان صدرمیں منعقد ہوگی ۔ تین وفاقی وزراء اورایک وزیرمملکت آج حلف اٹھائیں گے جن میں چوہدری شجاعت حسین کے صاحبزادے چوہدری سالک حسین بطوروفاقی وزیرحلف لیں گے۔ نون لیگ کے میاں جاوید لطیف اوربی این پی مینگل کے آغاحسن بلوچ بھی حلف اٹھائیں گے۔ آغاحسن بلوچ وفاقی وزیرسائنس اینڈٹیکنالوجی کا قلمدان سنبھالیں گے جبکہ بی این پی کے محمد ہاشم نوتیزئی بطوروزیرمملکت حلف اٹھائیں گے ۔ واضح رہے کہ صدرعارف علوی نے وزیراعظم شہبازشریف اورکابینہ ارکان سے حلف نہیں لیا تھا۔
