لاہور ہائیکورٹ میں درخواست گزار اظہر صدیق ایڈووکیٹ نے عدالت کو آگاہ کیا کہ اپنے حقوق مانگنے پر پولیس نے نابینا افراد کو بیہیمانہ تشدد کا نشانہ بنایا۔انہوں نے کہا کہ وفاقی اور صوبائی اداروں کے علاوہ خود مختار اداروں میں بھی معذور افرادکی سرکاری نوکریوں کے لئے مختص دو فیصد کوٹے پر عمل درآمد نہیں کیا جاتا جس سے انکی محرمیوں میں اضافہ ہوا ہے۔ایک اور درخواست گزار کے وکیل مقتدر اختر شبیر نے عدالت سے استدعا کی کہ نجی اداروں میں بھی معذور افراد کا کوٹہ مختص کرنے کا حکم دیا جائے۔سرکاری وکیل نے بتایا کہ نابینا افراد کو تشدد کا نشانہ بنانے والے ایس ایچ او اوراے ایس آئی کو معطل کر کے انکے خلاف محکمانہ کاروائی بھی کی جا رہی ہے۔انہوں نے معذور افراد کے دو فیصد کوٹہ پر عمل نہ کرنے سے متعلق درخواست کا جواب داخل کرنے کے لئے عدالت سے مزید مہلت طلب کر لی۔جس پر عدالت نے ریمارکس دیتے ہوئے کہا کہ وفاقی اور صوبائی حکومتوں کے جن اداروں میں دو فیصد کوٹہ پر عمل نہیں کیا جا رہا انکی تفصیلات سے عدالت کو آگاہ کیا جائے۔عدالت نے کیس کی مزید سماعت چوبیس دسمبر تک ملتوی کر دی۔

سابق چیف جسٹس ثاقب نثار کی ایک اور مبینہ آڈیو سامنے آگئی۔