ڈرگ ریگولیٹری اتھارٹی (ڈریپ) نے سردرد اوربخارکی دوائی پیرا سیٹامول کی نئی قیمت مقرر کردی جس کا نوٹیفکیشن بھی جاری کردیا گیا ہے۔ ڈریپ کی جانب سے جاری نوٹیفکیشن کے مطابق پیراسیٹامول 500 گرام کی ایک گولی کی قیمت 2 روپے 67 مقرر کردی گئی جبکہ 200 گولیوں کا ڈبہ 534 روپے میں فروخت ہوگا۔ نوٹیفکیشن کے مطابق پیراسیٹامول کیفین کی ایک گولی کی قیمت 3 روپے 32 پیسے کر دی گئی ہے۔پیراسیٹامول (کیفین) 65/500 ملی گرام کی 100 گولیوں کی قیمت 332 روپے مقررکی گئی ہے۔ڈریپ کا کہنا ہے کہ حکومت کی جانب سے منظوری کے بعد قیمتوں کا تعین کیا گیا۔ نوٹیفیکیشن میں درج قیمتوں کے تحت ہی پیراسیٹامول فروخت ہوگی۔

پاکستانی حکام نے فیصلہ کن اقدامات پر عمل درآمد شروع کردیا ہے. آئی ایم ایف