جیل بھرو تحریک قوم کو ادھر لے جائے گی جہاں آزاد اور خوشحال پاکستان بنے گا۔عمران خان کا پیغام
تحریک انصاف کے چیئرمین عمران خان کا کہنا ہے کہ جیل بھرو تحریک قوم کو ادھر لے جائے گی جہاں آزاد اور خوشحال پاکستان بنے گا۔ اپنے ویڈیو بیان میں پی ٹی آئی چیئرمین عمران خان نے عوام سے جیل بھرو تحریک میں شامل ہونے کی درخواست کرتے ہوئے کہا کہ جیل بھرو تحریک ایک جہاد اور آزادی کا نام ہے، جب ریاست آپ کے بنیادی حقوق کی حفاظت کرے گی تبھی خوشحال اور آزاد پاکستان بنے گا۔عمران خان کا کہنا تھا کہ عوام جتنی زیادہ تعداد میں شرکت کریں گے اتنی جلدی ہم اپنے مقصد پر پہنچ جائیں گے، ہم اپنے ملک کو حقیقی طور پر آزاد کرالیں گے۔چیئرمین تحریک انصاف نے کہا کہ سارے پاکستانی ہماری جیل بھرو تحریک میں شامل ہوں، یہ تحریک آپ کو ادھر لے جائے گی جہاں آزاد اور خوشحال پاکستان بنے گا۔
چئیرمین عمران خان کا قوم کے نام اہم پیغام !! #جیل_بھرو_خوف_کا_بت_توڑو pic.twitter.com/rkPcEJdnA5
— PTI (@PTIofficial) February 22, 2023
