بھارتی فضائیہ کا مال بردار طیارہ خلیج بنگال کے اوپر سے گزرتے ہوئے گم ہو گیا

چنئی سے پورٹ بلیئر کیلیے روانہ ہونے والے اے این 32 جہاز میں فضائیہ کے تیئس اور عملے کے چھہ افراد سوار تھے ،طیارہ ساڑھے نو بجے تک فضائیہ اور ایوی ایشن کے راڈارز پر موجود تھا اور پائلٹ زمین پر موجود تکنیکی عملے کی ہدایات کے مطابق جہاز اڑا رہا تھا ، بھارتی میڈیا کے مطابق راڈار سے رابطہ منقطع ہوتے وقت طیارہ خلیج بنگال کے اوپر تھا ،بھارتی نیوی اور فضائیہ نے طیارے کی تلاش کیلیے وسیع پیمانے پر آپریشن شروع کر دیا ہے ،،ایئر فورس کے چار جیٹ جہاز فضا سے سرچ آپریشن میں حصہ لے رہے ہیں جبکہ کوسٹ گارڈز خلیج بنگال میں طیارے کو ڈھونٖڈ رہے ہیں ،،بھارتی فضائیہ کے پاس ایک سو پانچ اے این 32 مال بردار طیارے ہیں