عثمان عمر نے ساؤتھ ایشین باڈی بلڈنگ چیمپئن شپ جیت کرملک کا نام روشن کیا ہے، عثمان بزدار
وزیراعلیٰ پنجاب سردار عثمان بزدار نے ساؤتھ ایشین باڈی بلڈنگ اینڈ فزیک چیمپئن شپ جیتنے پرعثمان عمر کو مبارکباد دی اور کہا کہ عثمان نے چیمپئن شپ جیت کر ملک و قوم کا نام روشن کیا ہے۔ سردار عثمان بزدار نے کہا کہ عثمان عمر نے ایشین باڈی بلڈنگ اینڈفزیک چیمپئن شپ جیت کرسبز ہلالی پرچم بلند کیا ہے۔ واضح رہے کہ بارہویں ساؤتھ ایشین فزیک چیمپئین شپ نیپال کے دارالحکومت کٹھمنڈو میں منعقد ہوئی جس میں عثمان عمر نے جنوبی ایشیا میں سب سے بہترین فزیک رکھنے والے شخص کا ٹائٹل اپنے نام کیا۔ پاکستان نے روایتی حریف بھارت کو بھی مقابلے میں شکست دی، ساؤتھ ایشین فزیک چیمپئین شپ 2019 میں بھارت نے دوسری اور بھوٹان نے تیسری پوزیشن حاصل کی۔ عثمان عمر پنجاب یونی ورسٹی شعبہ اسپورٹس سائنسز میں ایم ایس سی اسپورٹس سائنس 2012 سیشن میں گولڈ میڈل حاصل کر چکے ہیں، وہ چئیرمین شعبہ اسپورٹس سائنسز ڈاکٹر ظفر اقبال بٹ کے طالب علم اور شعبے کے وزیٹنگ لیکچرار رہے۔
