وزیراعظم عمران خان اور امریکی صدر ڈونلڈ ٹرمپ کی ملاقات آج وائٹ ہائوس میں ہوگی۔وزیراعظم عمران خان پاکستانی وقت کے مطابق 8بج کر 30منٹ پر وائٹ ہائوس پہنچیں گے۔امریکی صدر ٹرمپ سے ملاقات کے بعد وزیراعظم عمران خان امریکی سینیٹر لنزے گراہم سے ملیں گے۔عمران خان اپنے دورہ امریکا میں آج کاروباری شخصیات سے ملاقات کے ساتھ پاک امریکا بزنس کونسل کے ساتھ میٹنگ بھی کریں گے۔وزیراعظم کے آج کے شیڈول میں مختلف امریکی کمپنیوں کے سی ای اوز سے ملاقات بھی شامل ہے۔