ایف آئی اے نے حیدرآباد میں کارروائی کرتے ہوئے مبینہ طور پر منی لانڈرنگ میں ملوث دو ملزمان کو گرفتار کرلیا ہے۔ایف آئی اے حکام کے مطابق رات گئے حیدرآباد کی چھوٹی گھٹی پر واقع منی ایکسچینج پر چھاپہ مارا گیا، اس دوران تیرہ لاکھ روپے مالیت کے پرائز بانڈ، سعودی ریال اور پاکستانی کرنسی برآمد کی گئی جبکہ دو ملزمان کو گرفتار کیا گیا۔حکام کے مطابق ملزم خالد اور کاشف کیخلاف منی لانڈرنگ کی خفیہ اطلاع ملی تھی،ملزمان کے لیپ ٹاپ، دو موبائل فونز اور دیگر ریکارڈ کو قبضے لے کر تفتیش کا آغاز کردیا گیا ہے۔