جنوبی کوریا کا دفاعی سیٹیلائٹ خلا میں بھیجنے کا کامیاب تجربہ
جنوبی کوریا نے اپنے پڑوسی ملک شمالی کوریا کے خلاف اپنی دفاعی صلاحیتیں بڑھانے کا فیصلہ کیا ہے جس کے تحت جنوبی کوریا نے اپنا پہلا دفاعی سیٹلائٹ ANASIS-II خلا میں بھیجنے کا کامیاب تجربہ کیا۔جنوبی کوریا نے پرائیوٹ راکٹ کمپنی اسپیس ایکس کی مدد سے دفاعی سیٹلائٹ خلا میں بھیجنے کا کامیاب تجربہ کیا۔ اسپیس ایکس کے حکام نے بھی اس کی تصدیق کرتے ہوئے کہا کہ سماجی رابطے کی ویب سائٹ ٹوئٹ پر ویڈیو بھی جاری کی۔دوسری جانب جنوبی کوریا کے دفاعی حکام نے ایک بیان میں کہا کہ ANASIS-IIسیٹلائٹ امریکی ریاست فلوریڈا کے کیپ کیناورل ایئرفورس اسٹیشن سے شام 5بجکر 30منٹ پر خلا میں بھیجا گیا جس کے بعد جنوبی کوریا اپنا دفاعی سیٹلائٹ رکھنے والے 10ممالک کی فہرست میں شامل ہوگیا ہے جو اب ہمیں مستقل اور محفوظ کمیونیکشن فراہم کرے گا۔دفاعی حکام کا کہنا تھا کہ امید کی جارہی ہے کہ دفاعی سیٹلائٹ 2ہفتوں تک اپنے مطلوبہ مدار کی سطح پر پہنچ جائے گا جب کہ اکتوبر میں سیٹلائٹ کی ٹیسٹنگ کے بعد جنوبی کوریا کی فوج اس نظام کو سنبھال لے گی۔
