وزیراعلیٰ عثمان بزدار سے ترین گروپ کے رکن پنجاب اسمبلی سید رفاقت علی گیلانی کی ملاقات،وزیراعلیٰ کی قیادت پر اعتماد کا اظہار
وزیراعلیٰ پنجاب سردار عثمان بزدار سے وزیراعلیٰ آفس میں ترین گروپ کے رکن پنجاب اسمبلی سید رفاقت علی گیلانی نے ملاقات کی۔سید رفاقت علی گیلانی نے وزیراعلیٰ عثمان بزدار کی قیادت پر اعتماد کا اظہارکیا۔ملاقات میں حلقے کے مسائل کے حل،سیاسی صورتحال اورترقیاتی سکیموں کے حوالے سے بات چیت ہوئی۔وزیراعلیٰ عثمان بزدارنے اس موقع پر کہا کہ وزیراعظم عمران خان کی قیادت میں پارٹی متحد ہے۔پارٹی میں خلیج ڈالنے والوں کی کوئی سازش کامیاب نہیں ہوگی۔وزیراعظم عمران خان نے پاکستان کو درست سمت کی طرف گامزن کیا ہے۔کسی کو ترقی کے سفر میں رخنہ نہیں ڈالنے دیں گے۔انہوں نے کہا کہ پنجاب میں پہلی بارحقیقی ترقی کے ثمرات عوام تک پہنچ رہے ہیں۔رمضان پیکیج کے تحت صوبے کے عوام کو ریلیف فراہم کریں گے۔
