جواں خاتون نے عاشق کی بریانی پاکستانی مزدوروں کو کھلا دی۔
30 سالہ مراکش کی خاتون نے عاشق کو قتل کر کے اس کی باقیات پکا کار پاکستانی مزدوروں کو کھلا دیں۔
زرائع کے مطابق مراکش سے تعلق رکھنے والی ایک خاتون پر الزام ہے کہ اس نے اپنے عاشق کو قتل کر کے اس کی باقیات کو پکا کر پاکستانی مزدوروں کو کھلا دیا۔
متحدہ عرب امارات میں استغاثہ کا الزام ہے کہ اس خاتون نے تین ماہ قبل اپنے بوائے فرینڈ کو قتل کیا لیکن اس کے بارے میں حال ہی میں اس وقت معلوم ہوا جب اس خاتون کے زیر استعمال بلینڈر سے ایک انسانی دانت ملا۔
زرائع کے مطابق اس خاتون نے پولیس کے سامنے اپنا یہ جرم قبول کرتے ہوئے کہا کہ ایسا اس نے 'پاگل پن' کے لمحے میں کیا تھا۔
اب 30 برس سے زیادہ عمر کی اس خاتون پر مکمل تحقیقات کے بعد مقدمہ چلایا جائے گا۔ اس خاتون کا مقتول کے ساتھ 7 برس پرانا تعلق تھا۔
نجی اخبار کے مطابق خاتون نے اس شخص کو اس وقت قتل کیا جب اس شخص نے خاتون کو بتایا کہ وہ مراکش سے ہی تعلق رکھنے والی کسی دوسری خاتون سے شادی کرنے والا ہے۔
پولیس نے اس بارے میں فی الحال کچھ نہیں بتایا کہ قتل کیسے اور کس طرح کیا گیا۔
تاہم ان کا یہ کہنا ہے کہ اس خاتون نے اس شخص کی باقیات کو پکا کر روایتی چاول اور گوشت کی ڈش کے ساتھ ملا کر قریب ہی کام کر رہے پاکستانی ملازمین کے ایک گروپ کو پیش کر دیا تھا۔
مقامی خبروں کے مطابق جب مقتول کا بھائی ان کی تلاش میں العین پہنچا تو وہاں انھیں بلینڈر میں ایک انسانی دانت ملا۔ جس کے بعد انھوں نے اپنے بھائی کی گمشدگی کی رپورٹ پولیس میں درج کرائی اور اُس دانت کا ڈی این اے ٹیسٹ بھی کروایا جس سے اس بات کی تصدیق ہوگئی کہ یہ مقتول کا ہی دانت ہے۔ پولیس کے مطابق اس خاتون نے پہلے مقتول کے بھائی کو یہ کہا کہ انھوں نے اسے گھر سے نکال دیا ہے۔ مگر بعد میں پولیس کی تفتیش کے دوران خاتون نے اپنے عاشق کے قتل کو تسلیم کر لیا۔
تحقیقات کے مطابق ملزمہ خاتون نے قتل کے بعد اپنے فلیٹ سے تمام نشانات مٹانے کے لیے اپنے ایک دوست کی مدد لی تھی۔ اس خاتون کو ذہنی معائنے کے لیے ہسپتال بھجوا دیا گیا ہے۔ جس کے بعد کیس کے مزید تفتیش کی جائے گی۔
