لاہور ہائی کورٹ نے وزیراعظم عمران خان کی نااہلی کے لیے دائر درخواست فل بینچ کی تشکیل کے لیے چیف جسٹس پاکستان میاں ثاقب نثار کو ارسال کردی۔جمعرات کو لاہور ہائی کورٹ کے جسٹس شمس محمود مرزا پر مشتمل سنگل بینچ پاکستان تحریک انصاف کے چیئرمین کی نااہلی کی درخواست کی سماعت کی۔مذکورہ درخواست 15 نومبر کو سماعت کے لیے مقرر کی گئی تھی۔بعدازاں آج ہونے والی سماعت میں درخواست گزار نے عدالت سے استدعا کی کہ یہ ایک اہم نوعیت کا معاملہ ہے چناچہ عدالت اس کے لیے فل بینچ تشکیل دے۔آئینی درخواست لائیرز فاو¿نڈیشن فار جسٹس کی جانب سے دائر کی گئی تھی جس میں وفاقی حکومت اور وزیر اعظم عمران خان نیازی کو فریق بنایا گیا تھا۔درخواست میں موقف اختیار کیا گیا تھا کہ سابق وزیراعظم نواز شریف کے دور حکومت میں عمران خان نے عوام کو سول نافرمانی کے لیے اکسایا اور ان سے کہا کہ وہ ٹیکس نہ دیں اور بیرون ممالک سے رقوم بھی نہ بھیجیں۔درخواست گزار کا کہنا تھا کہ عمران خان نے اپنے حامیوں سمیت پارلیمنٹ کی عمارت پر دھاوا بولا اور اور گیٹ توڑے، انہوں نے ملکی سالمیت کے خلاف اقدامات کیے اور ملکی سیاسی نظام کو تباہ کرنے کی کوشش کی۔درخواست میں عدالت سے استدعا کی گئی کہ وہ وزیر اعظم عمران خان کو آرٹیکل62(ون )(جی)کے تحت نااہل قرار دے اور ان کے خلاف(124اے )کے تحت کارروائی کا حکم دے۔

نیازی نے مسلح جتھوں کے ساتھ جوڈیشل کمپلیکس پر حملہ کیا، رانا ثنا اللہ