پوری دنیا پر مودی حکومت کا اصل چہرہ واضح ہوجائے گا: وزیراعظم عمران خان

وزیر اعظم عمران خان نے کشمیر اسٹڈی گروپ کے بانی فاروق کتھواری کو بھارت کے غیرقانونی تسلط اور انسانی حقوق کی پامالی کو مزید اجاگر کرنے کی تلقین کرتے ہوئے کہا ہے کہ پوری دنیا پر مودی حکومت کا اصل چہرہ واضح ہوجائے گا۔تفصیلات کے مطابق نیویارک میں کشمیراسٹڈی گروپ کے بانی فاروق کتھواری نے وزیراعظم عمران خان سے ملاقات کی اور مقبوضہ کشمیر کی صورت حال پر تبادلہ خیال کیا۔وزیراعظم عمران خان نے کہا کہ پوری دنیا پر مودی حکومت کا اصل چہرہ واضح ہوجائے گا۔ انہوں نے بھارت کے غیرقانونی تسلط اور انسانی حقوق کی پامالی کو مزید اجاگر کرنے کی تلقین بھی کی۔وزیراعظم اور کشمیراسٹڈی گروپ کے بانی کے درمیان ہونے والی ملاقات میں وزیرخارجہ شاہ محمود قریشی، مشیر تجارت عبدالرزاق داد، معاون خصوصی نعیم الحق، ڈاکٹر ملیحہ لودھی، امریکا میں پاکستانی سفیر ڈاکٹراسد مجید خان سمیت سینئر افسران بھی موجود تھے۔وزیراعظم عمران خان 7 روزہ امریکا کے دورے پر ہیں، وزیراعظم کل امریکی صدر ڈونلڈ ٹرمپ سمیت دیگر رہنماں سے ملاقاتیں کریں گے اس کے علاوہ وہ 27 ستمبر کو اقوام متحدہ کی جنرل اسمبلی سے خطاب کریں گے۔