بے نظیر قتل کیس کی سماعت راولپنڈی کی انسداد دہشتگردی عدالت کے جج چوہدری حبیب الرحمان نے کی، سابق صدرپرویزمشرف کو سخت سکیورٹی میں چک شہزاد کی سب جیل سے عدالت لایا گیا۔ پرویز مشرف کے وکیل بیرسٹر سلمان نے عدالت سے استدعا کی کہ ان کے مؤکل پیش ہوگئے ہیں اس لیے انہیں اشتہاری قراردینےاورجائیداد ضبطی کی کارروائی ختم کی جائے۔ بیرسٹرسلمان کی استدعا پر عدالت نے وکلاء کو پرویز مشرف سے ملاقات کی اجازت دے دی۔ عدالت نے سابق صدر کو شامل تفتیش کرنے کا حکم دیتے ہوئے ایف آئی اےسے تین مئی تک چالان طلب کرلیا ہے۔ ملزمان سعود عزیز اور خرم شہزاد بھی عدالت میں موجود تھے۔ اس موقع پر سابق صدر کے حامیوں اور وکلاء کے درمیان ہاتھاپائی بھی ہوئی اور پتھراؤ سے دو وکلاء زخمی ہوگئے۔

 امریکا کوشدید مالی مشکلات کا سامنا،بائیڈن نے شٹ ڈاؤن کا خدشہ ظاہرکردیا