نابلس:یہودی آبادکاروں کا گاڑیوں پر حملہ ،3فلسطینی زخمی
مقبوضہ مغربی کنارے میں نابلس کے مغرب میں شرپسند یہودی آبادکاروں نے گاڑیوں پر حملے کردیا جس کے نتیجے میں 3فلسطینی شہری زخمی ہو گئے ۔مقامی عہدیدار غسان دغلس نے کہا کہ غیر قانونی آبادکار بستی شافی شومرون سے تعلق رکھنے والے متعدد آبادکار نابلس اور طولکرم کے درمیان سڑک پر طنیب کے سنگم کے قریب اکٹھے ہو ئے اور گزرتی کاروں پر پتھرائو کیا۔دغلس نے مزید کہا کہ پتھرائو سے 3 فلسطینی زخمی ہو گئے اور متعدد گاڑیوں کو نقصان پہنچا۔
