راولپنڈی میں سرکاری ہسپتالوں میں عدم سہولتوں کے باعث سوائن فلو کے مریضوں کی تعداد میں مسلسل اضافہ ہو رہا ہے۔ راولپنڈی بینظیر بھٹو اسپتال میں سوائن فلو کا شکار مزید دو افراد جان کی بازی ہار گئے جس سے جاں بحق مریضوں کی تعداد تیرہ تک پہنچ گئی ہے۔ جاں بحق افراد کے لواحقین شکوہ کناں ہیں کہ حکومتی اقدامات کے نتائج کہاں ہیں۔۔وزیر مملکت برائے صحت سائرہ افضل تارڑ سوائن فلو کے وجود سے ہی انکاری ہیں۔ چند روز قبل اُن کا کہنا تھا کہ عام فلو کا وائرس پھیل رہا ہے جس کی روک تھام کر رہے ہیں۔ مگر اس کے برعکس عوام کو تمام ادویات بازار سے خریدنی پڑ رہی ہیں۔مریضوں کا علاج معالجہ کرنے والے ڈاکٹرز اور عملہ کے بیماری سے بچاؤ کیلئے ٹھوس اقدامات کرنے کی ضرورت ہے۔ 

گھی اور تیل کی قیمتوں میں کمی ریکارڈ