تابعداری، تاریخی نااہلی اور نالائقی کی سزا پاکستان بھگت رہا ہے۔ مریم نواز
پاکستان مسلم لیگ (ن) کی نائب صدر اور سابق وزیراعظم نواز شریف کی صاحبزادی نے کہا ہے کہ اناڑیوں کی وجہ سے ملک کو دنیا بھر میں رسوائی کا سامنا ہے۔سوشل میڈیا پر جاری اپنے پیغام میں انہوں نے کہاکہ تابعداری، تاریخی نااہلی اور نالائقی کی سزا پاکستان بھگت رہا ہے، اناڑیوں کے کھیل تماشے کی وجہ سے ملک کو دنیا بھر میں رسوائی کا سامنا کرنا پڑ رہا ہے۔انہوں نے کہا کہ پہلے دنیا بھر میں پی آئی اے کے پائلٹس کو رسوا کروایا اور اب ائیرلائن کو اس مقام پر لے آئے ہیں۔ انہوں نے کہا کہ پاکستان نے ایسے دن کبھی نہیں دیکھے۔
