24 گھنٹوں میں پاکستان میں کوروناکے 7ہزار586 کیسز رپورٹ،20افرادجان ہارگئے۔
پاکستان میں کوروناوائرس سے اموات کا سلسلہ تھم نہ سکا، گذشتہ چوبیس گھنٹے کے دوران مزید 20 افراد جاں بحق ،7 ہزار 586 نئے کیسز رپورٹ ہوئے ہیں۔نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران پاکستان میں کورونا سے اموات کی مجموعی تعداد 29 ہزار 97 ہو گئی ہے جبکہ ایکٹو کیسز کی تعداد 70ہزار 263 ہے۔
این سی او سی کے مطابق پاکستان میں کورونا مثبت کیسز کی شرح 13 فیصد ریکارڈ کی گئی۔ اعداد و شمار کے مطابق ملک میں 13لاکھ 67 ہزار 605 افراد کورونا سے متاثر ہوئے، 12 لاکھ 68 ہزار 245 صحت یاب ہو چکے ہیں۔ گزشتہ 24 گھنٹوں کے دوران 7 ہزار 586 نئے کیسز رپورٹ ہوئے ہیں۔
Statistics 23 Jan 22:
— NCOC (@OfficialNcoc) January 23, 2022
Total Tests in Last 24 Hours: 58,334
Positive Cases: 7586
Positivity %: 13.00%
Deaths :20
Patients on Critical Care: 1,083
سندھ میں کورونا کے کیسز کی تعداد 5 لاکھ 23 ہزار 774، خیبر پختونخوا میں ایک لاکھ 84 ہزار 455، پنجاب میں 4 لاکھ 62 ہزار 323، اسلام آباد میں ایک لاکھ 17 ہزار 436، بلوچستان میں 33 ہزار 910، آزاد کشمیر میں 35 ہزار 218 اور گلگت بلتستان میں 10 ہزار 489 ہو گئی ہے۔
کورونا کے سبب سب سے زیادہ اموات پنجاب میں ہوئی ہیں جہاں 13 ہزار 105 افراد جان کی بازی ہار چکے ہیں ۔
سندھ میں 7 ہزار 738، خیبرپختونخوا 5 ہزار 974، اسلام آباد 976، گلگت بلتستان 187، بلوچستان میں 367 اور آزاد کشمیر میں 750 افراد جان کی بازی ہار چکے ہیں۔
