وزیر خارجہ شاہ محمود قریشی سے نامزد سفرا ء نے ملاقات کی ہے،وزیر خارجہ نے بطور سفیر نامزدگی پر مبارکباد پیش کی اور انہیں پیشہ وررانہ امور اور خارجہ پالیسی ترجیحات کے حوالے سے ہدایات جاری کیں۔تفصیلات کے مطابق منگل کے روز نئے نامزد سفرا ء نے یہاں وزارت خارجہ میں وزیر خارجہ مخدوم شاہ محمود قریشی سے ملاقات کی۔ ملاقات کرنے والے سفراء میں منصور احمد خان (نامزد سفیر برائے افغانستان) معین الحق (چائنہ)، معظم علی خان (یو کے) احمد حسین دیو (برازیل)، ظہور احمد (سویڈن)، آفتاب احمد کھوکھر (آسٹریا)، سجاد حیدر خان (بیلارس)، سید حیدر شاہ(نیپال)، محمد حسن (انڈونیشیا)، امتیاز احمد قاضی (فلپائن)، مراد اشرف جنجوعہ (نیوزیلینڈ)، مظہر جاوید (جنوبی افریقہ)، ساجد بلال (مصر)، شوذب عباس(ایتھوپیا)، محمد سلیم(تنزانیہ)، احمد علی سروہے (نجر)،امیر محمد خان (روانڈا)، سجاد احمد سیہڑ (کازغستان)،بلال ھء (آزربائیجان) اور امجد عزیز قاضی(قونصل جنرل چندو) شامل تھے۔وزیر خارجہ شاہ محمود قریشی نے بطور سفیر نامزدگی پرتمام سفراء کو مبارکباد پیش کی۔انہوں نے کہا کہ آپ ایسے وقت میں بطور سفیر تعینات ہو رہے ہیں جب پاکستان کو داخلی اور خارجی طور پر بہت سے چیلنجز کا سامنا ہے. پاکستانی کمیونٹی کے حقوق کا تحفظ اور ان کے مسائل کا ترجیحی بنیادوں پر حل ہماری اولین ترجیحات میں شامل ہے،وزیر خارجہ نے نئے نامزد سفرا ء کو پیشہ ورانہ امور اور فارن پالیسی ترجیحات کے حوالے سے ہدایات دیں ہیں۔