نوروز کا پیغام دنیا کے لیے سب سے اہم ہے۔ انٹونیو گوترش
اقوام متحدہ کے سیکریٹری جنرل نے نوروز کو دنیا کے تین سو ملین لوگوں کے لئے نیا آغاز قرار دیتے ہوئے کہا ہے کہ بہار کی واپسی اور فطرت کا احیا عالمی سماج کو متحد اور دنیا میں امن و دوستی کی ترویج کا باعث ہے۔اقوام متحدہ کے ہیڈ کوارٹر میں جشن نوروز کی سالانہ تقریب سے خطاب کرتے ہوئے اقوام متحدہ کے سیکریٹری جنرل انٹونیو گوترش کا کہنا تھا کہ نوروز درحقیقت ایک عظیم احساس ہے اور نوروز کا پیغام دنیا کے لیے سب سے اہم ہے۔اقوام متحدہ کے سیکریٹری جنرل نے کہا کہ دنیا کو نوروز کے پیغام کی ضرورت ہے تاکہ پورے انسانی سماج کو امن، عدالت، فہم و ادراک، باہمی احترام اور بھائی چارے جیسے اصلی اقدار کے گرد جمع کیا جا سکے۔انھوں نے نوروز منانے والے ملکوں کے سفیروںکو خراج تحسین پیش کرتے ہوئے جشن روز کی تقریب میں اپنی شرکت پر خوشی کا اظہار کیا ہے۔