وفاقی وزیر خارجہ بلاول بھٹو زرداری آج سے 26 مئی تک سوئٹزرلینڈ کا دورہ کریں گے۔ بلاول بھٹو ڈیووس میں ورلڈ اکنامک فورم کے سالانہ اجلاس میں شرکت کریں گے، وزیر مملکت خارجہ حنا ربانی کھر بھی ان کے ہمراہ ہوں گی۔ ورلڈ اکنامک فورم کے اجلاس میں وزیر خارجہ بلاول بھٹو وبائی امراض، خوراک اور توانائی کے تحفظ سے متعلق نقطہ نظر پیش کریں گے۔ اجلاس میں بلاول بھٹو مختلف ملکوں کے وزرائے خارجہ سے بھی ملاقات کریں گے۔