پاکستان تحریک انصاف کے منحرف رکن نور عالم خان پبلک اکائونٹس کمیٹی کے چیئرمین منتخب ہوگئے۔پیرکو پبلک اکائونٹس کمیٹی کے نئے چیئرمین کے انتخاب کے لئے ایڈیشنل سیکرٹری قومی اسمبلی کی زیر صدارت پبلک اکائونٹس کمیٹی کا اجلاس ہوا، جس میں تحریک انصاف کے منحرف رہنما نور عالم خان پبلک اکائونٹس کمیٹی کے چیئرمین منتخب ہوگئے۔ وزیر دفاع خواجہ آصف نے نور عالم خان کا نام بطور چیئرمین پبلک اکائونٹس کمیٹی تجویز کیا تھا، جبکہ وزیر سیفران سنیٹر طلحہ محمود نے ان کے نام کی تائید کی۔دوسری جانب نور عالم خان نے پبلک اکائونٹس کمیٹی کی صدارت سنبھالنے کے بعد کہا ہے کہ بطور چیئرمین کسی کے ساتھ بد اخلاقی اور زیادتی نہیں کروں گا، آڈیٹر جنرل آفس 5 کروڑ سے زائد کے آڈٹ پیراز پبلک اکائونٹس کمیٹی میں لائیں اور 5 کروڑ سے کم کے آڈٹ پیراز ڈی اے سی میں سیٹل کئے جائیں، میں احتساب اور قانون کی بالادستی پہ یقین رکھتا ہوں، پبلک اکائونٹس کمیٹی احتساب کا بھی احتساب کرے گی۔

ریسکیو اکیڈمی لاہور میں انٹرنیشنل والنٹیئر ڈے چیلنج شروع ہو گیا.