حسنین لہری اور ارب پتی عرب اداکارہ لجین عضاضہ کے درمیان کیا چل رہا ہے؟
پاکستان کے نامور ماڈل حنسین لہری نے 23 نومبر کو اماراتی ماڈل و اداکارہ لجین عضاضة المعروف (ایل جے) کے ہمراہ رومانوی تصویر شیئر کی تو شوبز شخصیات اور مداحوں نے انہیں مبارک باد پیش کی۔
حسنین لہری نے انسٹاگرام پر لجین عضاضة کے ساتھ گلے ملنے کی رومانوی تصویر شیئر کرتے ہوئے لکھا کہ انہیں اس بات پر یقین نہیں تھا کہ ’پریوں کی کہانیاں سچی بھی ہوتی ہیں‘۔
View this post on Instagram
انہوں نے لکھا کہ انہیں پریوں کی کہانیوں کے سچے ہونے پر اس وقت تک یقین نہیں ہوا تھا جب تک وہ اپنی شہزادی لجین عضاضة کے ساتھ نہیں ملے تھے۔
حسنین لہری کی پوسٹ پر ماڈل لجین عضاضة نے بھی کمنٹس کرتے ہوئے رومانوی الفاظ کا استعمال کیا۔
اماراتی ماڈل نے حسنین لہری کو اپنا دل قرار دیتے ہوئے لکھا کہ ’پریوں کی داستانیں سچی ہوتی ہیں‘۔
لجین عضاضة کے علاوہ حسنین لہری کی پوسٹ پر متعدد فیشن و شوبز شخصیات نے بھی کمنٹس کرتے ہوئے دونوں کو مبارک باد پیش کی اور دونوں کی جوڑی کو سراہا۔
علاوہ ازیں مداحوں نے بھی حسنین لہری اور لجین عضاضة کی تصویر پر کمنٹس کرتے ہوئے ان کے لیے نیک خواہشات کا اظہار کیا۔
View this post on Instagram
اگرچہ حسنین لہری نے تصویر اپنے انسٹاگرام پر شیئر کی مگر لجین عضاضة نے سوشل میڈیا پر پاکستانی ماڈل کے ہمراہ کچھوائی گئی تصویر شیئر نہیں کی۔
حسنین لہری کی جانب ارب پتی عرب ماڈل و اداکارہ کے ہمراہ رومانوی تصویر شیئر کیے جانے پر بعض مداحوں نے سوالات اٹھائے کہ دونوں کے درمیان کیا چل رہا ہے؟
