ڈی جی آئی ایس پی آر کی جانب سے جاری بیان کے مطابق گوجرانوالہ پہنچنے پر کور کمانڈر لیفٹیننٹ جنرل سید عاصم منیر نے آرمی چیف کا استقبال کیا۔ دورے میں جنرل قمر جاوید باجوہ نے مرالہ ہیڈ ورکس پر تربیتی مشقوں کا جائزہ لیا۔ تربیتی مشقوں میں روایتی اور جنگی آپریشنز کا عملی مظاہرہ کیا گیا۔ اس موقع پر آرمی چیف نے اس موقع پر جوانوں کےاعلیٰ تربیتی معیار کو سراہا۔ڈی جی آئی ایس پی آر کے مطابق آرمی چیف نے سی ایم ایچ گوجرانوالہ کا بھی دورہ کیا۔ دورے کے موقع پر آرمی چیف کو سی ایم ایچ میں مختلف ترقیاتی منصوبوں کے بارے میں آگاہ کیا گیا۔ آرمی چیف نے کورونا وباء پر قابو پانے میں آرمی میڈیکل کور کی تعریف کی۔آرمی چیف جنرل قمرجاوید باجوہ نے ایک بار پھر اس عزم کا اظہار کیا کہ ہر طرح کے حالات میں پاک فوج قوم کی توقعات میں پورا اترے گی اور انشاءاللہ مادر وطن کا دفاع یقینی بنائیں گے۔