انتظامی مسائل کی وجہ سے ملک بھر میں 4 پروازیں منسوخ اور 18  کا تاخیر شکار ہوئی ہیں ۔ ایوی ایشن حکام کے مطابق کراچی کوئٹہ کی پی آئی اے کی 2پروازیں منسوخ کر دی گئیں جبکہ شارجہ کوئٹہ کی غیرملکی ایئر لائن کی 2 پروازیں بھی منسوخ ہوگئیں ۔ حکام نے کہا کہ کراچی لاہور کی نجی ائیر لائن کی پرواز، کراچی لاہورپی آئی اے کی پرواز اور کراچی اسلام آباد کی پروازیں بھی تاخیر کا شکار ہوئیں ۔ایوی ایشن حکام کے مطابق کراچی سکھر کی پرواز پی کی روانگی میں ڈیڑھ گھنٹہ، ملتان جدہ کی پی آئی اے کی پرواز کی روانگی میں پونے 2 گھنٹے، پشاور دوحہ کی پرواز کی روانگی میں ایک گھنٹہ جبکہ پشاور جدہ کی نجی ائیرلائن کی پرواز کی روانگی میں ایک گھنٹے تاخیر کا شکار رہی ۔حکام کے مطابق لندن اسلام آباد کی پروازوں کی آمد روانگی میں 2 گھنٹے، اسلام آباد دوشنبے کی پرواز کی آمد میں ایک گھنٹہ، اسلام آباد استنبول کی پرواز کی روانگی میں ایک گھنٹہ اورکراچی دبئی کی پرواز کی آمد روانگی میں پونے 2 گھنٹے جبکہ کراچی استنبول کی پرواز سوا گھنٹہ تاخیر کا شکار ہی ۔