عراق کے دارالحکومت بغداد کے صوبہ بابل میں گزشتہ روز ایک موٹرسائیکل میں زوردار دھماکہ ہوا جس سے کم از کم پانچ افراد جاں بحق جبکہ 30 سے زائد افراد زخمی ہو گئے۔غیر ملکی میڈیا رپورٹس کے مطابق دھماکہ دارالحکومت بغداد سے 80 کلومیٹر دور المسیب شہر کے رش وا لے علاقے میں ایک موٹر سائیکل میں ہوا۔ دھماکہ اتنا خوفناک تھا کہ کئی دکانوں اور آس پاس کی عمارتوں اور گاڑیوں کو بھی نقصان پہنچا ہے۔صوبہ بابل کے محکمہ صحت کی جانب سے جاری بیان کے مطابق دھماکہ میں 39 افراد کو چوٹیں آئی ہیں جنہیں علاج کے لئے اسپتال میں داخل کرایا گیا ہے۔ تا ہم حملے کی ذمہ داری کسی بھی دہشت گرد تنظیم نے نہیں لی ہے۔