امریکی صدر کا برطانوی وزیراعظم سے ٹیلیفونک رابطہ
واشنگٹن :- امریکی صدر جوبائیڈن کا برطانوی وزیراعظم بورس جانسن سے ٹیلی فونک رابطہ ہوا ہے ۔غیرملکی خبررساں ادارے کے مطابق دونوں رہنمائوں نے افغانستان سے امریکی شہریوں اور فورسز کے انخلا پر بات چیت کی ، دونوں رہنمائوں نے اپنے شہریوں اور اپنی حکومتوں کے ساتھ کام کرنے والے افغان باشندوں کے فوری اور محفوظ انخلا کی کوششوں پر بات کی۔ دونوں رہنمائوں نے جی سیون کے ایجنڈے پر بھی تبادلہ خیال کیا ہے۔
