سندھ کے ضلع ٹھٹہ کے علاقے جھرک کے قریب ٹرک نے مسافر وین کو ٹکر ماردی جس کے نتیجے میں 7 افراد جاں بحق اور15 زخمی ہوگئے،لاشیں اور زخمی ہسپتال منتقل کردیئے گئے ۔تفصیلات کے مطابق افسوس ناک حادثہ اس وقت پیش آیا جب ملا کاتیار پل کے قریب حیدرآباد سے ٹھٹھہ آنے والی مسافر وین کو ٹرک نے ٹکر مار دی ۔حادثے کے نتیجے میں7 افراد موقع پر دم توڑ گئے اور 15 زخمی ہوگئے۔حادثے کی اطلاع ملتے ہی امدادی ٹیمیں موقع پر پہنچ گئیں ، زخمیوں اور لاشوں کو ہسپتال منتقل کیاگیا ۔