صدر ٹرمپ نے 740 ارب ڈالرز کا دفاعی بل بھی مسترد کردیا
واشنگٹن : امریکی صدر نے 740 ارب ڈالرز کے دفاعی بل کو بھی مسترد کردیا، ٹرمپ نے کہا کہ یہ دفاعی بل چین اور روس کےلیے تحفہ ہے۔ غیر ملکی خبر رساں ادارے کی رپورٹ کے مطابق صدارتی انتخابات 2020 میں سکشت کا سامنا کرنے والے ڈونلڈ ٹرمپ نے اپنی ہار کا غصہ بلز کی منظوری پر نکالنا شروع کردیا۔ امریکی صدر نے دفاعی بل بھی ویٹو کردیا، 740 ارب ڈالرز کا دفاعی بل مسترد کردیا جو رواں ماہ کانگریس نے منظور کیا تھا۔ صدر ٹرمپ کا کہنا تھا کہ بدقسمتی سے بل قومی سلامتی سے متعلق اقدامات میں ناکام رہا اور یہ بل چین اور روس کےلیے تحفہ ہے۔ ڈونلڈ ٹرمپ نے کہا کہ بل قومی سلامتی اور خارجہ پالیسیوں سے متعلق کوششو ں کے خلاف ہے۔
