گھریلو جھگڑے پر ماں نے اپنی 2 بچیاں نہر میں پھینک دیں -
خانیوال: کچا کھوہ کے قریب ماں نے گھریلو جھگڑے پر اپنی 2 بچیاں نہر میں پھینک دیں۔ ایکسپریس نیوز کے مطابق خانیوال کے قریب کچاکھوہ میں ٹھینگی کینال 84 پل سے ایک خاتون نے اپنی 2 بچیاں نہر میں پھینک دی، مقامی لوگوں کی بروقت اطلاع پر ریسکیو 1122 نے بچیوں کی تلاش کے لئے آپریشن شروع کردیا۔ پولیس کا کہنا ہے کہ بچیاں نہر میں پھینکنے والی خاتون کو گرفتار کرلیا گیا ہے جس نے بتایا ہے کہ اس نے یہ اقدام گھریلو جھگڑوں کی بنا پر اٹھایا۔