بین الاقوامی مارکیٹ میں کاروباری ہفتے کے دوسرے روز ٹریڈنگ کے دوران سونے کی فی اونس قیمت 14 ڈالرز اضافے سے 1938 ڈالر کی سطح پر پہنچ گئی۔ انٹرنیشنل مارکیٹ میں اضافے کے باعث مقامی صرافہ مارکیٹوں میں بھی فی تولہ سونے کی قیمت میں 1150 روپے جبکہ فی دس گرام سونے کی قیمت میں 986روپے کا اضافہ ہوگیا۔ قیمتوں میں اضافے کے بعد مقامی صرافہ مارکیٹوں میں فی تولہ سونے کی قیمت بڑھ کر 1 لاکھ 89 ہزار 3 سو روپے جبکہ فی دس گرام سونے کی قیمت 1 لاکھ 62 ہزار 2 سو 94 روپے ہوگئی۔ دوسری جانب فی تولہ چاندی کی قیمت بغیر کسی تبدیلی کے 2100 روپے اور دس گرام چاندی کی قیمت بھی بغیر کسی تبدیلی کے 1800.41 روپے کی سطح پر مستحکم رہی۔

شیخ رشید احمد کی گرفتاری پر اسلام آباد پولیس کاوضاحتی بیان سامنے آگیا۔